قصة تزوجت وانا قاصر بالدارجة المغربية +18

تزوجت وانا قاصر

الرواية :

انا زهرة عندي 22 و... 

زكاو زكاو انبدا ليكم من نهار القرار لمشؤوم ديال اللي قرر فيه با ازوجني حقاش هاديك ساعا كنت كملت 16 و بحكم كنا كنسنو ف فيلاج... بنت 16 خاص ايكون عندها الاولاد ولكن انا الوحيدة اللي وصلات حتا ال 16 و بزز بش قريت الابتدائي بالمعاونة ديال مي.

كنت انا و واحد خويا صغير اللي خلاوه قرا لئنو هو دري.. نوصفني ليكم فيامات المراهقة كتكون البنت يالله كتفتح كيف شي وردة صراحة كانو عويناتي عسلين شعري قهوي فاتح فمي حمر من عند الله و بشرتي بيضة مكنت لا غليضة ما رقيقة

با: فاطمة ( فاطمة هي مي) ا فاطمة اجي اجي

مي: ياك مكاين باس ؟ 

با:زهرة وا زهرة

انا: نعام ابا 

با: اجي بانتي اجي

مي: دوي خبار الخير

با: ايوا ناس دوار بداو داوين على زهرة و انا كنسمع ف ناس كتضرب عليها فالمعاني داكشي علاش قررت نزوجها و راه جاو فيها الخطاب

انا( ظاك الكلام جاتني كي ساعقة ) 

مي: كلامك هو لكبير

انا: ا ا لا ابا انا...(تلفت خنزر فيا)

با: حظري راسك و كن تحشمي عشنا و شفنا حتا ولاو البنات اعطيو رايهم .(معقلتش طلعت فوق دارنا و بظيت كنبكي مبغاش نتزوج علاش كيحكمو على البنات بالعداب و حنى مزال صغار اهيئ…شوية سمعت كلام بنت جارتنا (رقية) هي و لوستها (مليكة)

رقية: كالك قرى فالمدينة و دابا راه شاد شي حاجا واعرة معرفتش سميتها و دابا مني جا راه مو كتقلب ليه على عروسة

مليكة:ههه مو صفية مع البخ اللي فيها معرفت موحال تشوف ليه شي وحدة بنت هنا... متسوقتش الهدرتهم هبطت لقيت الواليدة كتجري و تشقى و تالفة

مي: زيدي عونيني....راه غدا فاليل غيقراو الفاتحة من بعد 15يوم تمشي لدار راجلك (ممقبلاش الوضع تمنيت الموت و لا هاديك الحياة) ... عونتها و انا دموعي ف عيني الغد ليه اللي اتقرا فيه الفاتحة

********************

اه تجمعو كاملين دارو الرجال فبيت و العيلات ف بيت انا لبست قفطان بيض و مي دارت ليا شويت الكحل فعيني و كلسوني وصتهم... قراو الفاتحة الرجال بيناتهم و العيالات كيزغرتو و البكية حابساها بسناني قررو انو من بعد 15يوم ايكون العقد واجد و ايديرو عرس و نروح لداري (جهنمي زعما) (العقد داروه بالرشوة حقاش انا مزال موصلت السن القانوني دزواج) ديك 15 يوم كانت كطير من قدامي.. مي مخلتنيش نخرج خلال هاديك المدة.. وصل النهار المنحوس و اول محليت عيني سربت دموعي حقاش كان اخر صباح ليا ف دارنا مي كتجري كيف عادتها و دار كلها جقلة خلاتي عماتي...جاين احضرو العرسي زعما كل واحد و اشنو كيدير اما انا رقدوني فالحمام نهار كولو مني خرجت لقيت مي موجدة ليا الحوايج دلعرس عبارة عن (قفطان بيض مرصع بالحجر كان زوين هداتو ليا مت العريس علما انهم كانو من ناس اللي مسك عليهم الله ف دوار هادشي كنسمع اللي ف دار كيكولوه ) لبستو و شعري الرطب اخيرا جات فرصة نطلقو طلقتو دارو ليا العكر الفاسي و الكحل معاه و برزت بيه ناس الي فرحانين مكرهت نوقف و نغوت و نجري و نبعد و نعيش فبلاد اللي البنت عندها فيه قيمة.. .طول زديحهم و انا غا ساهية و جا الوقت اللي خاصني نمشي فيه مي دارت ليا القطيب (زيف حمر و فيه خيوط مزوقين مدلين على الوجه على راسي و لواتني بتوب شفاف عنقت مي و بكيت على فراقها و على الحياة المشؤومة اللي كتسناني اللي كنشوف كاع بنات دواري دايزين منها ركبوني فوق العود كيف وصلت الدار هزني راجل اللي خصو ايكون لوسي و وصلني لبيتي… و فبالي كيف انتعامل مع الوضع دليلة .نهرب من السرجم لا نضحك ف عايلتي ناس الدوار اش ندير … كنسع الباب البيت تحل صافي تما طاح ليا ما ف ركابي بالخلعة… حسيت بيه جاي جيهتي و انا كارزة على ايدي اللي كانو عرقانين بالخلعة… خطواتو مزال كتقرب صافي حسيت براسي انسخف و نطيح فالارض و انا نسمعو دوا.) 

قرب و حيد هاداك التوب اللي كان على وجهي )

هو: تهدني مأنقيصكش منأديكش غي تهدني انا عارفك مزال صغيرة على الزواج و كاع هاد تخربيق ديال الناس الجهالة (انا كنت مزال ف غيبوبة و فرحة كنحاول نتيق هادشي اللي كنسمع بزربة هزيت فيه عيني و دموعي ف عيني .. شدني من ايدي و كلسني جبد من جيبو مشوار و عطاه ليا نمسح بيه) 

هو: مزال صغيرة مزال البراأة دطفولة مرسومة على وجهك... 

انا:" الصمت" (كندير ندوي مكانت قداني فرحة مني سمعت كلامو)

هو: انا اسمي عماد عندي 22 عام عندي اجازة فالاقتصاد مكنتش باغي نتزوجك ابنت ناس غي ضغط العائلة ولكن كنواعدك بللي منخليك تخسري من طفولتك والو نتي ف رقبتي حتا لنهار اللي تولاي فيه راشدة و مسؤولة هداك نهار نعطيك حريتك...عرفيني عليك بعدا 

انا: و حادرة راسي.. اسمي زهرة عندي 16 و قارية غا حتال السادس

عماد : ا(قطعتو بزربة) 

انا: واش بصح الكلام اللي كلتي عاد دابا ؟ 

عماد: كلمة الرجال (بتسمت بخجل و شوية سمعنا دقان ).. (لقا الام ديالو كتدق ) 

مت عماد: الصينية كتسنا اولدي و غمزات ليه ( بالمعنا العدا ديال السروال...) 

عماد: مي واش نتوما حماقيتو لبنت عندها 16 عام و نتوما متبعين خرفات القرن20.

مت عماد: طلقني اولدي نتا على اخرتك غتشوه فيا ناس دوار تخاليهم ايكولو صفية مولداش الرجال (انا غا سمعت ها الهدرة و امالي مشا… .و الخلعة رجعت شداتني)

عماد: واخا امي… (حاول افهمها زعما تمشي ...رجع دخل عندي و هو دايخ و شوية كيبان ليا كيخصر فالنموسية حل صداف قاميجتو بربش شعرو و دار اديه على شعري اشعككني و انا مزال حادرة راسي مقداش نشوف فيه.. زر ايزار و عرا دراعو و كاس هرسو و جرح ايدو بش ابين بللي هوا دار الازم معايا.... زاد صدمني فيه.. غطا دراعو و خرج عيط على ايماه و غي شدات الايزار طلقت الزغاليل .سد الباب)

انا: شكرا 

عماد (شاف فيا و بتاسم بحال ايلا بتاسم لشي ولد عندو سنتين : انا نعس ف الارض و خالليك نتي فوق الناموسية 

انا: لا انا نعس فالارض

عماد: وشتي كوني طفلة مطيعة من نهار الاول انبداو ف صلابة

انا: واخا .( فرش و نعس فالارض و انا نعست و مقداني فرحة و كنشكر فالله اللي طحت ف واحد متقف و متفهم ) فقت صباح كنلقا وجه عماد قبالتي مبتاسم.... قفزت من بلاصتي و نضت و بركت.. كندوي و راسي فالارض)

انا: مالك؟ 

عماد: والو صباح الخير بعدا

انا: صباح ااخير (وقفت نمشي الحمام حشاكوم ) 

عماد: اجي لهنا فين غادا

انا: باغا نمشي ااحمام

عماد: تقلي مشيتك و ديري بحال ايلا فيك الحريق (انا هزيت عيني كنشوف فيه بالستغراب بلاتي نوصف ليكم شكلو هو سمر شوية لون دشعرو فاتح عويناتو كبار و كيحمقو عندو شوية اللحية و كان كيبان مفرمي شوي طويل شوية هه انا كنوصل ليه عند سدرو هه كنبان بنتو ) 

انا: علاش اش وقع

عماد: راك ليوم نتي عاد مصبحة واقلة (انا عاد فهمت و تزنكت و راسي فالارض) 

انا:اه نسيت (و خرجت و انا نرجع نعيط عليه) : عماد فين انلقا الحمام؟

عماد: كين زوج بيوت هنا على الجب و الباب تالت ديال الحمام

انا: شكرا (خرجت كنتمشا بشوية يشوية عليا )

مت عماد: صباح الخير العروسة ديالنا

انا:(بااحشمة) صباح ااخير خالتي... و شي عيلات كانو كيوجدو علا حساب فطوري ايجيبوه دارنا.

وحدة من هادوك العيلات:اوا ابنتي كيف بقيتي (و كيتغامزو كيف بقيت علا مزويناتي )

انا: شوية (و مشيت الحمام و رجعت البيتي اللي خاصني نبقا فيه 7 ايام متتالية حتال نهار الحزام طول هاديك ال7 ايام ف البيت بالقفطان الابيض و عماد مسكين مزال كينعس فالارض و البارح بالضبط كان الحزام و ليوم خاص ايامي العادية تبدا فدار راجلي فقت لبست بيجاما فالحمر كنت شريتها فالجهاز ديالي و شعري الرطب درت عليه زيف و خرجت.. مكنديرش المكياج مكنعرفش ليه حتا كيداير مشيت لقيتهم كاملين كالسين كيفطرو و معاهم عماد)

انا: صباح الخير عليكم

الكل: صباح النور

مت عماد: اجي تفطري (مشيت و كلست حدا شيخي و مقابلا مع عماد و كان كالس لوسي اسمو اشرف كان كبر من عماد عندو 28 عام مزوج بنت المدينة و عمرو جابها لهنا و مني عرفتها مو كانت غتنتاحر .و غير بديت ناكول...شوية كنحس بيهم كاملبن كيشوفو فيا ناري....ميمتي شنو نكون درت.... و انا كناكل و عماد حاضيني و عائلتو حاضين عماد كيشوفو فيه و ايشوفو فيا.ناري علا موقف تزنكت و حماريت و وحلات ليا وليت كنكح .شيخب مسكين مد ليا الما و كيضحك تحت منو....تفو كان موقف محرج مي كلو بسباب عماد الكيها ليه لا لا انجيه مسكين سالينا و هي خالتي صفية اتنود تبدا تجمع.) 

انا: لا اخالتي و انا اش كندير هنا كنبيع فجافيل دالعبار انا غنتكلف بكلشي (بان ليا عماد كيشوف فيا و ابتسم....حاولت منعيقش مبقيتش شفت فيه عاود .) 

خالتي صفية: الله ارضي عليك ابنتي هكا اكونو الكنات و لا بلاش (بدات كتحشي الهدرة لاشرف خنزر و ايدو مزير عليها)

اشرف: غنرجع فالعشيا العرس راه سالا

شيخي(السي عبد العزيز): سير جيب مراتك و جيو كلسو لكم شوية هنا

اشرف: لا ابا نتا عارفها نع هنا..وو 

(قطعاتو خالتي):نيت حسن (انا بان ليا الجو مكهرب نضت هزيت السينية و مشيت بديت ببيوت نعاس جمعتهم و من الصالون سيقت الحمام و جا وقت لماعن و مشيت الكوزينة.. دخلت بان ليا عماد.. مديت مجبت و مشيت حدا البوطاجي و بديت كنرتب و نجمع الماعن انغسلهم.. غير بديت الغسيل كنحس ب عماد قريب عند جنلي توترت و وليت واحلا.... و هيا تدخل خالتي صفية :احم احم… (عماد قفز… كنا كنبانو بحال ايلا كنديرو شي حاجا ناري هادي تاني مرة كيدير ليا نفس الستون عماد كيدوي و هو كيتفتف)

عماد:اا مي انا غا وريتها الصابون و راك عافا هي مملوفاش علا دار الجديدة

خالتي صفية: اممم وريتيها....(عماد غبر ههه جاتني الضحكة محبستها غا بزز قدام خالتي

خالتي وقفت حدايا حطات ليا اللحم و الخضرا ) خالتي: هانتي ابنيتي ورينا طياب ايديك كيدير و انا راه انسيق المرح....

انا: لا اخالتي غا خاليه انا مني نسد على اللحم دغيا ندوز عليه

خالتي: الله ارضي علك ابنتي صراحة صدقتي نييت ديال الدار نيت..... اه ابنتي و مرتاحة مع عماد ؟

(انا تزنكت) اه اخالتي فوق من مزيان

خالتي: هداك راه مرضي المرضيين وربي جزاه بيك علا رضاه مع واليديه .(مشات و انا نصبت الغدا سديت عليه سيقت المرح و من بعد درت الخضرة و بديت كنجفف فالكوزينة مع هزيت راسي بان ليا عماد واقف قبالتي

.عماد: مكتعييش؟ 

انا: موالفة 

(عماد بتاسم ) 

انا: و بقا تما تفرنس حرام عليك هاد صباح حشمتيني

عماد: سافي سمحي ليا والله منبقا نعاود يالله هانا غادي خارج

انا: فين ؟

عماد: غا هنا ندير مكالمة من هنا مكينش ريزو

انا: واخا متعطلش خاصنا نحوطو الغدا

عماد: واخا (تصدمت من السرعة كيفاش تأقلمت معاهم وفنفس الوقت كان عاجبني الحال واخا توحشت دارنا) داز هداك نهار بخير و علا الخير كلشي عجبو طيابي و الغد الاخور فقت بكري نوجد الفطور سمعت التقرقيب فباب الحمام خرج منها عماد كان لابس حويج شيك كان كيبان زوين

انا: صباح الخير

عماد:صباح النور اش مفيقك مع هاد الوقت ؟ 

انا: راه خاصني نوجد الفطورو نتا اش فيقك و مالك علا هاد زاز فين غادي ؟ 

عماد (بصدمة و بتسامة):هاي هاي كتديري لونكيت صراحة كنت حكرك والاه واخا باقا صغيرة عارفا شغالك مع راجلك (حشمني مرة خرا تفو) عماد:ههه غادي القنصلية ديال الدار البيضاء علا قبل شي وراق

انا: الله اسهل (مشيت درت طرح ديال الرغايف فطرو و عاجبهم الحال بيا الحمدالله و مع دخل عماد طاير بالفرحة.

عماد: و اخيرا ا مي و اخيرا عطاوني الفيزا. (انا مصدومة و غا كنشوف مزال مفهمت واالووو) 

خالتي: الله يا ولدي علاااا سلاااامتك 

انا: مالكم ؟

عماد (و الفرحة خارجة من عينيه ) غانمشي الطاليان و اخيرا.... (بقييت غا كنشوف جاتني الصدمة غايمشي و ايخليني مع واليديه و ايلوحني هنا.. بقيييت ساهية علا شحااااال و هوما داوين على السفر ديالو ) وصل الليل و عماد كان باقي اقاد فالوراق و الفلوس ديول الطيارة.... حتا تفسير مفسرو ليا دخل...كانت 9:03 

عماد: اتنعسي دابا?

انا: الصمت

عماد: زهرة كندوي معاك

انا: الصمت (عماد شدني من ايدي و دورني عندو فالوقت اللي كنفرش ليه) 

عماد: مالك قلقك شي واحد؟

انا: اه....

عماد: شكون؟

.انا: نتا

عماد: اش درت لك.. (شفت فيه و شفت فالوراق اللي كانو فوق الطبلة و ضرت)

انا: بصح اتمشي الطليان ؟

عماد: اااه هادي اللي مقلقك؟ (جوبت بالاماىة براسي زعما اه )

عماد: نسيت مدويتش علا هاد الموضوع نهار اللي عرفتك عليا دابا انا عندي فكرة ديال واحد المشروع و حاولت ناسسو هنا و لكن مسهلش الله و جاتني الفكرة ديال بارا ولكن راه مغاديش نبقا تما للابد.... 

انا:لا غا خليك علاش اترجع

عماد:امم نسيتي بللي عندي واليدية هنا و عائلتي زيد عليها كيين مراتي… اكيد انو خاصني نرجع

انا: ياك واعدتيني كيف غا نرشد غا تعطيني حريتي (معرفتها ميف خرجات مع العصبية عماد تزير....)ع

ماد: اه ضروري كيف تكملي 18 عام نعطيك طلاقك الا بغيتي … (صافي الجو خسر مشا نعس مبقاش دوا كاع .... دازت 20 يوم عماد بدا كيقلب علا البيي لطليان… و انا غا كنشوف و حاضيا مني كان باقي ليه اخر يوم… مجنيش نعاس معجبنيش الحال تفو مبغاتش تدخل لمخي انبقا هنا غا مع واليديه و كيندير نعس ف هاد البيت و هو مفرش فلارض حدايا كنحس بالامان .... بقيت كنتقلب ليل كولو تفو...و غي حتا دوا.. 

عماد: نعسي ا زهرة احمباك بش حتا انا نقدر نعس .(اناغطيت راسي بالمانطا....وهو ناض ) 

عماد: مبغاش ايجيني نعاس ..

انا(عريت راسي و كنطل) 

عماد: طلي عليا طلي و نتي وليتي تباني كي جواد السايح ففلم علال القلدة هههه 

انا:علاش مالك؟ 

عماد: معرفتش واش انقد نوالف البلاد تما…

انا: صافي متمشيش و بقا معانا ( عقليا طفوليا) 

عماد: هههه....تكبري و تفهمي....

انا: علاش انا مالي صغيرة علا الفهاما؟ 

عماد: علا الفهاما....و بزاف دالحوايج اخرين داكشي علاش قررت نبعد ( مديت مجبت ف هدرتو تاوبت )

انا: جاني نعاس تصبح علا خير

عماد: تصبحي علا خير.... (فقنا صباح و قلبي كيبكي مبغيتوش امشي بقا قيا.... جاني نفس الاحساس فاش كان خاسني نبعد و نعيش بعيد علا ماما… و صلناه المطار بقينا كنتسناو معاه… وليديه بعدو علينا شوية و بدا اوصي فيا (بحال شي اب كيوصي ف بنتو متديرش القباحا ههه) 

عماد: تهلاي ف راسك و كوني بعقلك راك بديتي تكبري…

انا: هه عماد اهديك الله راه كنعرف اشنو كندير...(سمع وقت الطيارة ديالو سلم على عائلتو و مني وصل عندي دار ايديه على راسي و باسني فراسي.... شفت فيه و كانو دموعو ف عينيه....و من بعد حدرت راسي… مشا حتا بعد و سلم علينا و انا ف خاطري كندعي ياربي تسهل عليه و اكمل و ارجع.... رجعنا الدوار كان دانا اشرف بالطومبيل… و حنا راجعين بقات بلاستو قداش اما مني دخلت لدار خلاص جاتني الخنقة… جاني الظلام مشيت تخشيت ف فراشي بقيت كنبكي حتا داني نعاس فقت حتال منبعد المغرب… لقيت وجهي منفوخ بالبكا مشيت غسلت وجهي و كنسمعهم كيتناوبو على تيليفون بالبهجة… و قصدتهم لقيتهم كيدويو مع عماد الحمد الله وصل على خير.)

خالتي صفية: ..هاهيا جات ندوزها لك...

خديت التيليفون 

انا: الو..؟ 

عماد: بعدي عليهم شوية (بعدت عليهم )

انا: نعام كول.

عماد: كيف بقيتي ؟ 

انا: الحمدالله و نتا عند من كالس و اشنو درتي و كيف تفاهمتي معاهم ؟ 

عماد: بشوية بشوية علك .راه كينين ناس اللي اندير معاهم شراكة و مكلفين بكلشي نتي غي تهلاي ف راسك و مي و با راهم معاك و ايلا خاصتك شي حاجا هما اعطيوها لك و راه دويت مع مي تخليك تمشي عند داركم وقت الا بغيتي

انا: صافي شكرا....

عماد: بسلامة (بقيت حاطا التيليفون علا ودني....) 

انا: تهلا ف راسك..

عماد: حتا نتي 

انا: غترجع ياك ا عماد خصك ترجع

عماد: انشاأالله دوزي ليا با.(عطيت تيليفون الشيخي)

انا:خالتي ندير العشا ؟ 

صفية: لا ابنيتي غا خليك باينة عليك عيا و مفيك جهد غا خليك رتاحي دابا انا نديرو 

انا: لا غا…

صفية: غا سيري رتاحي (كنت مريضة مدكدكة نيت و مشيت نعست و عينيا حارقيني بالبكا و اول مفقت تفكرت عماد و قلبي المني ....والفتو ف كاع اللحضات ف حياتي.. دازت عليا 15 اللولة ظلمة ولكن بز مني نتعود كيعيط لينا مرة ف الاسبوع و انا كنت كنتلف بالشقا و الخروج نمشي عند مي.... حتا دازت بالضبط 2 عامين يعني انا دابا 18 عام صرحة تبدلو فيا بزاف دلحوايج منهم شكلي و حتا تفكيري و كللي تغير اكيد لئنو كتفوق على سن المراهقة و حتا ف كلامي ولا مرزون بالمعنى كبرت اه و عماد خاصو يوفي بوعدو و ايعطيني حريتي اه ولكن كل مرة كيكول انجي و دازو عامين ب صيوفو و شتاواتو و هو كيكول هاد الكلام و انا خاصني ندوي معاه ضروري… كان سبت و الحد جا عندنا اشرف و هاز ف ايديه شي حوايج كان مصيفطهم عماد لينا كاملين منهم تيليفون و اشرف شرا ليا نمرة و بيجامات فالغوز بالروسومات و الشكلاط و الفنيد ههه ضحكني اصحاب ليه باقا مومو... حاطيت هداك شي فوق البلاكار و خرجت عندهم كان اشرف شاد قدامو واحد الجهاز كنشوفو فالتلفازة اسمو البيسي ) 

اشرف: وي عماد كتسمعني ؟ ...(كان كيتسمعش مزيان و صورتو موضحاش مع الريزو عندنا كان قليل) 

انا: اشنو هادشي اخويا اشرف؟ 

صفية: اجي غنشوفو عماد فهاد العجب

انا: زوينة هادي خويا اشرف طلع للبيت اللي فسطح على الله تشد لك

اشرف: اييه .اجيو اجيو ( تعرمنا فالبيت اللي ف سطح حطو البيسي فوق الطبلة انا مشفت عماد كاع غا كنسمعو داوي....)

عماد: زهرة مكيناش معاكم ؟ 

اشرف : مسكيين العاشق الولهان توحش مراتو الغالية ( انا صفاريت و حماريت و عماد كيضحك) اشرف:اجي اجي اختي زهر اجي (مشيت و كلست مقابلة مع الكام...

عماد (و هو مصدوم): كبرتي بزاف

انا: ههههه راني بنادم ماشي تمتال انبقا صغيورا…

عماد:توحشتك

انا: ا ا لاباس عليك؟

عماد: ههه لاباس حمدالله و نتي ؟ 

انا:لاباس حمدالله تبدلتي بزاف

عماد: زيانيت و لا خيابيت؟ 

انا:تبدلتي و صافي ...ماعلينا ايمتا غادي تجي؟

عماد: اااووه توحشتيني (اويلي هادا مالو ساخن عليه راسو) 

انا: لا غا حقاش من هنا الشهر انكمل 18 و…

عماد:(تحيدات هاديك لبسمة اللي كانت فيه) احم اه فهمت لمهم السيمانا الجيا انا جاي بسلاما سلمي عليهم ( و قطع فوجهي مفهمتش مالو ) جا اشرف

اشرف: مالو قطع كنت باغي ندوي معاه

انا: والله معرفت كال بللي غايجي سيمانا الجايا …

اشرف: اه كالها ليا بلاتي عليه دوا مع حبيبت القلب و قلب علينا حنا ( ويلي على حشمة ..طرت لبيتي نييت نخدم هداك التيليفون جبدتو و ركبت النمرة مع ركبت جاني الاتصال من نمرة مبدية.. 0039 خرجت عند اشرف نسولو...) 

اشرف: ههه هاديك راها نمرة عماد… ( انا دخلت لبيتي و سديت عليا و بديت نشوف فالهدايا اللي كانو ديال شي بنت عندها 13 عام ضحكني و هو ايعيط هداك نيمرو نيت)

انا: نعام

عماد: متديش على الكاضوات ههه كان اصحاب ليا باقا صغيرة ساعا كبرتي و زدتي زيانيتي و. ( دغيا قاطعتو) 

انا: ا ا اشرف كبيلة كان باغي ادوي معاك و قطعتي…

عماد: اه عرفت ... 

انا: هاحنا انتسناوك سيمانا جايا تجي عندنا ياك…

عماد: انشاء الله...سمحي ليا على قبايلا راه غي كنت شوية معصب من بعد مدويتي على...( و سكت) 

انا: علاياش دويت؟ 

عماد: نساي لمهم هادوك عطيهم لشي بنوتة تماك فالدوار....

انا: واخا واخا راه عجبني شكلاط .

ماد: بصحتك حبيبتي(قطعت و هاديك كلمة حبيبتي* كتردد فودني عود عيط و مجوبتش... صراحا كنت كنتسنا بفارغ الصبر ايمتا ايجي....و جا هداك نهار. (صراحة هداك نهار كنت فرحانة حقاش انرجع مزال ديال راسي و نقدر نوصل لشي حوايج لطلما حلمت بيهم و فنفس الوقت كان قلبي ممهنينيش و انا انفرق عماد يعني غادي نطلقو انا وياه كان شعور مواضحش… طنشت نضت لبست بيجاما فازرق كانت افازي جاتني مع الجسم ديالي مشطت شعري الحريري و يالله انحط زيف .دخلات خالتي ) 

صفية: مكين لاش ديريه

انا: لا حشومة و…

صفية: علا شكون كاين ياك غا عمك و لوسك و راجلك.... و غمزات ليا.. داكشي اللي درت شعري درت ليه ضفيرة و دورتو عندي درت شوية الكحل.....

خرجت نقاد و نرتب مع خالتي و كنتساينو ف عمي عبد العزيز و اشرف و عماد معاهم ادخلو بقينا على نار غي حتا دخلو علينا و كان معاهم عماد اللي تبدل بزاااف كان لابس قميجة فالبيض و كانت مزيرة على جسمو و سروال دجين زرق و صباط من داكشي الراقي و ساعة يدوية لحيتو كانت مطراسية و شعرو مقادو مغيرش من راسو بزاف ولكن زاد زيااان بزاااف ولا كيبان اكتر روجولة كان كيحمق دخل عنق خالتي صفية وصل عندي و تبلوكا انا كنت حادرة راسي هزيتو لقيتو كيشوف فيا و مبتسم هه وليت كنوصل ليه عند لحيتو طواليييت ههه وصلت عليه عهههخ معرفنا كيف نتعاملو مع الوضع مديت ليه ايدي سلم عليا عادي و كلسو انا نضت الكوزينة وجدت ليهم كلشي و هو كالس كيدوي و اعود ليهم.... وصلت 7 نضت تاني نوجد العشا بديت نصب و هو ادخل شي واحد تلفت....

كان عماد مربع ايديه و متكي علا الحيط

عماد: ههه اش اديري لعشا

انا: شي حاجا كتكال و صافي

عماد: وايلي ؟ فراسك كن مدويتي دابا كنت كنسحابها شي حاجا كتلبس

انا: هههه

عماد: تبدلتيي بزاااااف بزااف و كبرتي و كتباني شابة عاقلك…

انا: (الصمت) سديت على العشا و بديت نقاد فالفواكه و داكشي و هو بقا مقابلني دخل اشرف 

(*بين اشرف و عماد*):(كيهمس فودن عماد):باقي عندكم اليل ارا متشوف حتا تشبع فيها زيد خرج من الكوزينا و نتا لسقتي هنا

عماد: هههه زعما متسكتش

اشرف: واخا صراحة هاد البنت صدقااااات بنت اللي تعول عليها لو غي تشوف فاش كنتي نتا فبرا عمرها عتبات الباب بلا متكون معاها مي و كانت تصرفاتها كلهم ديال وحدة ناضجة تبدلات بزاف

عماد:( تنهد و سكت)

اشرف: كون كنت عارف الواليد لا زوجاتني اتزوجني وحدة بجاملها و اخلاقها و الله منعتب المدينة مي نتا خديتي زوينة فيهم

عماد: يا ريييت لو كانت تكون ديالي دبصح

اشرف: اش كتخربق

عماد: انا و زهرة مزال زواج على الوراق انا مبغيتش نقرب ليها نهار الول لئنو كانت مزال طفلة علا داكشي و عاهدتها بللي كيف تكمل 18 عام و تولا ديال راسها

اشرف: المعنى

عماد: نطلقها اخويا ايخصني نطلقها 

اشرف: كتبغيها ا عماد....؟ 

عماد: كنموت عليها....( جيت نكلمهم اتعشاو كنسمع عماد كيدوي بقلب مدمر "كنموت عليها")..

انا: اجيو تعشاو....

اشرف و عماد: واخا 

تعشينا و كولا مشا لبيتو عماد دخل و بدا كيستنق الهوا بطريقة كتخليه ابان جذاب بزاف

عماد: الله مكين محسن من ان الوحد ارجع الموطنو.

انا: اكيد .. اااا نفرش لك فالارض ولا نعس فوق الناموسيا حسن راك عيان مع السفر

عماد: غا تنعسي دابا.؟ 

انا: ههه اه

عماد: نن خليك جبت شي حويجات خاصكي تشوفيهم … جبد حقيبتو و كان مكتوب على كاع هادوك الكادويات سميتي وصلت لواحد و هو اتلاح عليا عماد متحليهش

انا: علاش ؟

عماد:و كلت لك لا.

انا: والله مسوقي...( ايييه كيف حليتها عينيا خرجو اما عماد داير ايديه على وجهو و كيضحك.....) (عماد كيضحك و انا عينية خرجو كان عبارة على كسيييوة بتوب رطب و معريا كاملة تقريبا )

انا: اشنو هادا؟

عماد: ههه سميتو chemise de nuit

انا: وييلييي كامل معري (انا حشمت و حماريت و كاع الدم مشا الوجهي و برك ) 

عماد: ههه هادو كيلبسهم العيلات لرجالهم و راه ماشي انا اللي شريتو

انا: علا شكون شرا هادشي.؟ 

عماد: هادو مني يالله مشيت كنت كلت ليهم عاد تزوجت و مني قربت نجي سيفطو لك هادو كل واحد واشنو شرا و هاد (chemise de nuit) امكن شراتو اسكرتيرة و الله معقلت من عندمن جا

انا: اااه هي نتا دابا مشريتي ليا والو

عماد: مكانش بقا ليا الوقت و اصلا راهم بزاف

انا: صافي مزيان ( مقدش زعما اشري ليا شي حاجة تفو....هاديك الحقيبة خوات كانو بقاو فيها زاوج تصورات مقلوبين....هزيتهم قلبتهم لقيتهم دياولي وحدة كانت ديالي كنت تصورتها نهار قبل العرس و وحدة كتبان غي ديال مؤخرا دخلني الشك.)

انا: منين جبتي هاد تصاور؟ 

عماد: ااا....هاديييك قديييمة كانت عطاتها ليا مي مني كنا فالمطار و لوخرا كان صورك اشرف بالغفلة و صيفطها ليا و خرجتها (لساني تربط و ملقيت حتا جواب نكولو...) 

انا: ا ا...( شوية حسيت ب عماد مرايا عند ضهري.. حسيت بسخونيا طالعا معايا و قلبي كيضرب ايخرج من بلاصتو كنحس بيه دور اديه على عنقي و شي حاجا باردة و رقيقة مدورة بيها عنقي حطيت ايددي نتأكد....لقيت سلسة بدهبي فيها صفيحة و كان منقوش عليها (zahra & imad قدرت نقراها واخا قاريا غا حتال السادس كنفهم و كنعرف نقرا و نكتب) 

عماد: ماتكولي والو ؟

انا: ياك كلتي مجبتي ليا والو و نسيتي

عماد: كنت بغيت نقلقك شوية …

انا: اممم حياني علك

عماد: و دابا كولي كيف جاتك؟ 

انا: زوينة بزاااف والله شكرا بزاف.اجي دهب ولا غا زواق؟ (عماد طلق واحد مولاتي الضحكة طيح الزرزور من فزق الصور) 

عماد: هه حماقيتي نجيب لمراتي الوحيدة الجالوق

انا: احم.. اييه و هاد صفيحة اللي فيها الأسماء علاش كن جبتي غي شي خميسة… (ناااري مكنسكتش هو جايب الكاضو و انا كنتشرط عماد بان عليه توتر و اليأس )

عماد: اه معليش صافي غا اريها ليا …

انا: لا صافي غا....

عماد: كلت لك اريها اصلا غا انا اللي باغيها نتي معندك ماديري بيها .( عطيتها ليه و كان كيبان بللي بقا فيه الحال حقاش كلت ليه هكاك) 

عماد: انا انعس تصبحي على خير

انا: تصبح على خير (طفينا الضو و نعسنا فقت صباح و عماد كان فايق مبدل و مراشقاش ليه.خرجت انا قبل منو بش نوجد الفطور نضت لقيت خالتي واقفة كتقدي درت ايدي معاها عونتها وجدنا الطبلة و تجمعنا على الطبلة عاد جا عماد

عماد: صباح الخير عليكم

الكل: صباح نور.....كلس كيفطر حدانا .و هي تدو خالتي صفية..

صفية: بعد جبتي ليها سلسلة علاش مجبتي ليها حتا خريصة معاها....( عماد حبس ماكلة و شاف فيا) 

انا: جابها اخالتي راه غي حيدتها خفتها تسرب ليا و صافي....

صفية: اااا نعام (دازت اسبوع و الدار مكتخواش من ضياف و عائلت عماد اللي باغين اشوفوه زعما دابا بقا قدامي 15 يوم و خاصني نبدا نوجد ندير لا كارط و نطلقو و خاصني ندوي مع عماد فهادشي..)

انا: خالتي مشفتيش عماد؟ 

صفية: كان كيدوش ابنتي علاش بغيتيه ؟

انا: على قبل واحد الموضوع مهم اخالتي 

صفية: سري شوفيه فبيتو واش كاين 

انا: واخا اخالتي (دخلت ما هادا يا هادا عماد يالله حزم سير ديال الشورط و الفوق ديالو عريان و شعرو باقي فازك كان كيهبل يا عالم .خالتي حاضياني واش لقيتو ولا لا

صفية: كاين؟ 

انا:ا ا ا اه .

صفية: اه ايوا صافي راه سوليه وحلت و خالتي مبغاتش تحرك على وعدي و سعدي دخلت لبيت... كندوي و مدورة وجهي....ا كان خصني ندوي معاك…

عماد: تسايني راه ملقيتش واحد سويك ديالي فزرق فيه شي حوايجي 

انا: راه خشيتو تماك

عماد: وعيت نقلب ملقيتوش

انا: واخا انا نجبدو لك حيد خندوز (انا كندوز من هنا و هو كيدوز من هنا حتا كتسمع زداف و تساطحنا)

انا: ااففف و كلت لك حيد

عماد: (و زير عليا من خصري و قربني ليه و كيبتسم )عماد: مالك مالك وعاريتي وليتي تغوتي و تنفخي ياك منخفوش .(هزيت راسي نشوف فيه و مبعدا وجهي منو)

انا: نتا اللي ولات فيك البسالة (جاتني ضحكة و خرجات زبقات )

عماد: و كلو بسبتك

انا: مالي؟

عماد: و نتي اللي كتبقاي تسراي قدامي و كتزيدي عليا بهاد الضحكة (انا حاولت نجمع شوية)

انا: و طلق مني واش انباوتو هنا حيد راه خصني ضروري ندوي معاك على قبل لا كارط ديالي...عماد طلقني دغيا

عماد:اه صافي جمعي وراقيك و غدا نمشيو دفعو لا كارط ديالك 

انا: صافي واخا (مديت ليه الصاك و خرجت خليتو داز نهار و فقت فصباح طايرة و اخيرا غادي نخرج لمدينة نشوفها لاول مرة .عماد مكانش حدايا. مشيت وجدت الفطور و من بعد دخل عماد ف ايده شي شغال كلسنا نفطرو و عماد دوا كال الواليديه غنمشي انا وياه نساوبو شي وراق مشيت دخلت حليت البلاكار كنقلب على شي لبسة تجي مع المدينة والو حتا حاجا متحمر الوجه تعصبت و كلست وهو اجي اكلس حدايا عماد و ف يديه شي سيكان

انا: اش هادشي ؟ 

عماد: قنبلة نووية.حوايح متلبسي شهادشي

انا: من نيتك؟ 

عماد: و شدي لبسي و يالله مزال قدامنا الطريق

انا: واخا (اللبسة كانت عبار عن كسوة بكمها و مقبوطة عند الصدر و كانت فالحمر مع توشيات كحلين كان داكشي ستيل التركي لبستها جاتني واعرة مع ااجسم ديالي… خرجت من ااحمام و مشيت البيت نقاد حالتي لقيت عماد كالس شافني و وقف )عماد: واااوه....جاتك كتحمق

انا: شكرا (كلست مكابلة مع المرايا شعري حرت فيه هو انا مكنديرش زيف غا مع الشقا كنغطيه جمعتو سفنجة عادية بقيت كنشووف فراسي و هو ايجي سي عماد حيدلي الاستيك بش شادا شعري)

انا: هبلتي؟

عماد (و هو كبتاسم كي عادتو) هه مالك كيجيك هاكا حسن 

انا: لا غنجمعو حسن

عماد:الاءح 

انا: تلفت لمرايا جاني زوين شعري مطلوق و مع كان طويل و رطب دورتو عندي هزيت سويك فيه وراقي و توكلنا علا الله شدينا طريق .. اول موصلنا الكوميساريا بدينا فالاجرات كان غي عماد مكلف و انا غا كنشوف 

عماد: خاصك تبصمي و تسناي شي ايام .تلاقيت صحبي هنا كال لينا من بعد 7 ايام نرجعو ليها

انا: ايوا الحمدالله .(كملنا امورنا خرجنا عماد شد طريق اخرا بعيدا علا المحطة.)

انا: فين غادين؟ 

عماد: عند اشرف عرض علينا نتغداو معاهم

انا: و مراتو متكول والو ؟ 

عماد: ههه راه كنت كالس عندهم ايمات لافاك راها بنت الناس غا الوليدة معندهاش معاها حقاش ماشي هي اللي ختارتها

انا:ااااه ايوا مزيان (وصلنا عندهم ستقبلونا مزيان تعرفت على مرات اشرف "ندى" كانت ضريفة بزاف و كانت كتبان عليها قاريا و متقفة ضيفونا و وصلات 4 دالعشية هكاك)

انا: عماد منموشويش (كندوي فوذن عماد)

اشرف: مغادين فين نتوما هنا حتى تخرج لا كارط

انا: لواه اخويا اشرف مجاتش

عماد: انا بعدا انبقا تواحشت دار خويا 

انا: عماد كيدرتي ليها حتا الحوايج مجيبنهم 

عماد: انا نلبس مع خويا ونتي الا بغيتي نخرجو نشريو لك الحوايج (نقزات ندى ) ندى: مكينش لاش هو ياخد من عند خوه و نتي خودي من عند ختك لاهلا احوجك

عمااااد: اااو و دابا رقدي الارض حنا مغادين فين .( سكت اش عند لميت ميدير قدام غسالو) .دوزنا نهار و ضلام الحال و ندى بغات تنوض تشقا و حلفت نعونها عطاتني بيجاما عادية لبستها ندى كانت متواضة و كانت فرحانا و انا كنشقا معاها...و انا واقفا كنقي فالجلبانا فوق البوطاجي كنحس بالما كيتخوا على ضهري و ندى هي حدايا كترقس و تنقز بالفزوكيا و الما بارد ناااري اشرف و عماد هزو قراعي ديال الما و خواوهم علينا .ندى هزات لما و بدات تخوي على اشرف فالما.) ندى: بغيتي غا لعب دراري صغار تعبو هاهو. (انا حتا بان ليا البلان فعماد هزيت قرعة و تبعت عماد و كنخوي عليه. )

عماد: ناري ناري اتفزكي الفراش و ندى مغيعجبهاش الحال (انا من نيتي جمعت ايدي و هو ايبان ليا سي عماد كيحيد فالتيشرت )

انا: اهييييييه اش كتدير

عماد: تسايني و انا نوريك (انا جمدت مع هداك الجسم مفقت حتى لقيت عماد مزيرني بايديه و كيخوي عليا فالما.)

انا: صافي صافي انمرض صافي

عماد: فزكتي ليا تشرت ديالي و سايرة تكولي اتمرضي (بقيت كنرضخ حتا خوا عليا القرعة كاملة )

عماد: الله على طعم لانتقام شحال زوين

انا: يالله صافي غا طلقني (حسيت بعماد خاشي وجهو عند ودني.)

عماد: لا بلاتي خاصني نكول لك....

انا: و طلقني و كول عفااااااك (عماد سقل جسدو كان ملاسق معاياي و حسيت بشفايفو على خدي اييه اسيدي ايه الالة باسني فحنكي .صراحة هاديك القبلة خلاتني نترفع لعالم اخر و غي حنا بانت لينا ندى باقا كتجارا مع اشرف) ندى:ops (و تلفات دورت اشرف بايديها):سير راه ماشي الوقت المناسب (انا تنترت من عماد غا بزز و مكحشم لا من اشرف لا من ندى) انا: لا اختي غي...غي.... .ندى:هههه صافي فهمت ههه (واخا هكاك كانو لحظات زوينين اللي ضحكنا فيهم من قلوبنا عماد دخل لبس و خرج ناري كان كيحمق كان لابس تشرت فالكحل و مزير على عضلاتو و سروال فالكري ديال دار و هي تجرني ندى عطاتني بيجاما خفيفة فالغوز بدلت بيها تعشينا و مشيت دخلت البيت اللي عطاتنا ندى. كان فيه ناموسية بلاكار و مرايا و حداه حمام و فيه غير ازارات من بعد دخل عماد)

انا: كول ليها تعطيك شي فراشة بش واحد فينا افرشها 

عماد: لا 

انا: اييه و فين اتنعس؟ 

عماد: فوق ناموسيا 

انا: و انا؟ 

عماد: فوق ناموسيا

انا: باغي تمازح ياك 

عماد: لا شفتيني كنضحك؟ .(مشيت و درت المخاد بين بلاصة و بلاصة و انا كندير فيهم عماد جا ورايا و بدا داوي )عماد: ههه عارف نتحكم فراسي ملازمينش هاد الخديات.. 

انا: مأكد؟ 

عماد: و بزاف 

انا: اللي بغيتي (حيدت المخاد تخشيت فالفراش و جا هو حدايا من بعد مكلنا لاشرف و ندى تصبحو على خير

انا تخشيت و كانت عجب اول نكون فنفس الفراش مع عماد .

تخشا حدايا عماد و حسبت بيه بدا كيقرب....ناري شداتني تبوريشة و بديت كنبعد) 

عماد: ههه غا بشوية علك منمسك حتا النهار اللي تكوني نتي باغا…

انا: طفي ضو

عماد: دوز ايدو من على راسي و قشعت ضربة ف دراعو

انا: اشنو ضاربك تماك؟

عماد: ههه الضربة ديال الكاس… فاش جات عندي مي نهار العرس..(و بدا كيضحك و ايدوي بطريقة كيحشي فالهضرة زعما على الليلة دخلتي صراحة عماد اكد بللي متميز برجولتو و انسانيتو… عمرو قربلي واخا عندو الحق فيا )

عماد: رجوع الله فين مشيتي ؟

انا:(مدويتش بتسمت و قربت لحنكو و بستو قلبي كان غادي ايدير جنيوحات و اخرج من بلاصتو .عماد جمد و مخرج عينيه)عماد: الله قلبي....(جا فبالي نعصبو و انا نكول ليه)

انا:متفرحش بزاف راه غا رجعت بوستي للي خديتي ليا قبايلة 

عماد:اممم تيقت تيقت....نعسي نعسي

انا: هيا الولة (عطاني بالضهر و حتى هو نفس شي .و شوية و هو ايدوي)

عماد: زهرة نتي باغا طلاقك ياك…

انا:هادشي بش واعدتيني نتا

عماد: (تنهد) واخا و شنو خطتك من بعد الطلاق؟ 

انا: معرفتش اولا خاصني نواجه هدرت بنادم و من بعد معرفتشنمشب نخدم فشي مدينة و نبني حياة ب ايدي و على دوقي

عماد: هاد الحياة ايكون فيها شي راجل على دوقك ؟

انا: لا لا لا بالمرة نكون راسي براسي و اول شي انديرو هو ندير تعانية خاصة بالبنات و نسميها (لا لتزويج القاصرات) 

عماد: تقبليني كشريك فهاد التعاونية و اصلا غتحتاجي مستتمر

انا: و حتااااااا. تعطيني طلاقي بعدا.....ا ا ا عماد و نتا اتعاود تزوج من بعد الطلاق

عماد: اهييييه اول منخرجو من عند العدول انكون جابها معايا انشاء الله 

انا: شكون هي؟

عماد:...

انا: اااففف عماد مالك صدعتيني خليني نعس

عماد:واخا دابا تاكليني تصبحي على خير 

انا: تصبح على خير (نعست و قلبي شاعلة فيه نار الغيرة...علاش كنغير صراحة كان شعور مهيج كلاني و ممخلينيش نرتاح نعست فقت الصباح لقيت غا ندى

ندى: صباح النور

انا: الصباح الورود فينهم؟

ندى: مشاو اجريو حدا البحر

انا: اللللله البحر

ندى: غدا و نمشيو ليه ليوم غادين نخرجو نتعشاو على برا انشاءالله

انا: واخا انشاءالله ( جاو الاسياد من البحر حطينا ليهم الغدا و دوات ندى على الخرجة ديال اليوم.)

انا: اندخل ندوش. اختي عاد نمشيو

عماد: لا انا اللي اندوش راه كنت فالبحر و عرقان

انا: و انا راه 3 ايام مدوشت

ندى: صافي دوشي عندي اصلا انا دوشت غا هاد الصباح 

انا: شكرا حبيبتي 

عماد: ااووه مزيان بعدا.. انا طرت لدوش ديال ندى و عماد مشا لدوش..دوشت و خرجت و لقيت غا الفوطة كنعيط كنعيط مي ندى مكيناش… لويت عليا الفوطة و طرت البيت على الله ميشوفني اشرف مع الدخلة كنلقا عماد حتا هو عاد خارج من الدوش و لاوي على نوصو الفوطة درت ايدي على عيني و تلبطت بالبلاكار و كنحس بنفسو قريبا و انا سادا عينيا:اشنو كتدير؟…

عماد: اه جيبي جنونك عليا راه نتي اللي شوفي راسك فين واقفة حليت عينيا لقيتو داير ايديه علا جنابو و كيشوف فيا… حمارييييييت وليت كنتفتف و شادا لفوطة بايدي)

عماد : حيدي راه باغي ناخد حوايجي (ههه كنت واقفة على الباب ديال البلاكار بعدت و جبد حوايج داخلية و سروالو ديال دجين … انا ضرت و خليتو لبس و هو ايجي اقرب عاود تاني و هاد المرة كيشوف فعينيا و كيشوف فالجسد ديالي.. انا حدرت عيني و قلبي كيفرفر و هو ابان لي جار قميجتو كانت معلقة .مصيبة هادي فين ممشيت محصلني… و هيا تما جايا ندى)

ندى: زهرة كنت كنصلي مني كنتي كتعيطي جبت لك الحوايج اللي تلبسي بش نخرجو

عماد: ههه ختي ندى جابك الله ههه ولات كتبان كيف الدجاجة تحت الشتا و هي ملوية فالفوطة ههه (انا خيدت الكلاكيطة اللي فرجلي و شيرت عليه) انا: واخا علك الفروج (ندى شادة من كرشها و غاتفركع بالضحك)

ندى: ههههه ناااارييي اول مرة نشوف شي كوبل داير هاد الحالة

انا: هههه لنكن مختلفييين هههه ندى: ههه هاكي لبسي هاد اللبسة اتجيك واعرة مع فورمتك ....

كانت لبسة زوينة فالبلو بارد بالسمطة باللون الدهبي و مفخفخة من على ااكرش و من التحت صايا طويلة جاتني فنا .. نشفت شعري و هيا تجي عندي ندى و كاوداتني مع المرايا و بدات كتدير ليا فالمكياج.. انا اصلا مكنعرفش ليه و شعري دارت ليا ليه شدة مهزوزة الفوق و هبطات شي خصلات صرااحة صرعاتني ) ساليت و انا نشوف راسي فالمرايا تصدمت دخل عماد و بقا حال فمو.)

ندى: كيجتك سرعتها لك

عماد: اش سرعتي اش سرعتي رجعي ليا مراتي بالزين ديالها الطبيعي و البريئ

ندى: هي اللولة اجي اختي...(عماد جر ندى من ايدها )

عماد: غا كنضحك (كيشوف فيا و مبتسم ) جات كتحمق...ندى: كلشي على الكوفورة 

انا: ههه شكرا بزاف

عماد: طلقونا اشرف كيتسنا (ركبنا و خرجنا لواحد الريسطو رااقي كنت كنشوفو غا فالتلفزة طول السهرة و انا غا مقابلة اشرف و ندى و ااشوفات اللي بيناتهم و كيفاش كيبغيو بعضياتهم بجنون… تساألت علاش مولدينش )

انا: ختي ندى خاصكم غي شي ولييد و تولاو عائلة مثالية من غير انكم ازواج متاليين (ندى تزيرات و اشرف بان الحزن على وجهو شفت فعماد و هو احرك شفايفو:ششش (زعما نسكت)... خدمت الموسيقى و اشرف بغا ابدل الجو و خظا ايد ندى و مشاو ارقصو .) 

عماد:ندى مشات عند بزاف ديال اطباء على قبل الولاد ولكن مجابش ليهم الله و هادشي كيقلقها شوية

انا: مسكيينة..

عماد: امم تشطحي؟ 

انا: لا لا لا مكنعرفش لهادشي 

عماد: انا نعلمك

انا: لا....

عماد: عفاك

انا: و ايلا طحت و ضحكو عليا

عماد: ثيقي بيا ميوقع لك والو خايب.... راه انكون حداك انا

انا: صافي واخا يالله .(شد ليا من ايدي و داني لحلبة الرقص غا وصلت و جرني ليه و لصقني معاه حاط ايديه على ضهري و هز ايدي حطها على كتفو و وراني كيف نتحرك و نتمايل مع الموسيقاقرب عند ودني ) عماد: جيتي زوينة (انا حدرت راسي و بتسمت بحشمة و تفكرت.... تفكرت هاديك البنت اللي دو ليا عليها هو أانا نبعد أو مشيت كلست طرت أو هو اتبعني 

عماد: مالكي. 

انا: والو. 

عماد: أو مالك فجأة تبلوكيتي.

انا: كلت لك والو (أو هو ايجيو ندئ و اشرف و كالو نمشيو رجعنا الدار مهدووودييين نعسنا فقنا فصباح و لقيت ندى مسكينة كتوجد فكلشي بش نمشيو البحر مشينا و عماد دخل اعوم و معري هداك الجسم المتير يا قلبي و دخل حتا اشرف انا و ندى بقينا بارا كنا باقين مطحونين من الخرجة ديال البارح كانت اول مرة نشوف البحر حسيييت بالراحة فيه..

دوزنا نهار غزال و حنا راجعين صونا تيليفون عماد دوا

انا: معمن كنتي داوي

عماد: هادا غي دري اللي موضف فالكوميساريا و كال بللي لا كارط ديالك واجدة 

انا: خرجات بكري بزاف

عماد: نتي اللي كنتي اطيري تاخديها (عام الصمت فالطنوبيل وصلنا درنا لكوتي و تلاحيناا نعسو و هو ايجي عندي عماد)

عماد: نتي دابا رشدتي يعني انا خاصني ندير باش واعدتك

انا: تزيرت و معجبنيش الحال مني دوا على الطلاق ولكن انا اللي بغيت اه و دابا هو عينو فبنت اخرى سافي ضيعتو انا: اه واخ

عماد: صافي غدا ندير شي اجراءت أو نتلاقاو أو نهار من بعد نمشي عند العدول

انا: أو خالتي أو عمي اش ايكولو ايتقلقو منا

عماد: ضحيتي بما فيه الكفايا بش ترضيهم أو من حقك ديري شي انجاز تكوني بيه فخورة براسك .. و انا نشد ليه من ايدو أو جريتو عنقتو 

انا : شكرا بزاف على اي حاجا درتيها على قبلي

عماد:ههه طلقيني المسخوطة دابا نولاو… فشي موصيبة

انا: ااهههاه ياك كلتي كتحكم فراسك 

عماد: اه اه كوني هانية.. طلق مني أو دار ايديه على عينيه امكن كان كيبكي مفهمتش علاش.. نعست أو انا فقلبي سؤال على حالتي علاش مقداش نفرقو أو علاش من كنغير عليه... نعست مني فقت الصباح عماد كان ما بدا الاجرات يا ريييت نكول ليه مباغاش وبعد عليه أو بلاش من هاد الطلاق ولكن باش من حجة… ضحكت على حالتي أو كيف وليت.. دوزت هداك نهار اللي داز طاير و الي كان خاصني انا و عماد نمشيو عند العدول و اول مفقت لقيت عماد كالس كيلعب بالصفيحة الاي كان مكتوب عليها سمياتنا بزوج… و من بعد كمش عليها بايديه و ناض نضنا كلسنا على الطبلة و قررت نكول لاشرف و ندى داكشي اشرف تصاب عارف.مشينا واول موصلنا )اشرف: البنات خليوكم هنا خاصني ندوي مع عماد ضروري

انا: عماد مانتعطلوش على العدول

عماد: راه باقي حتا محل

انا: صافي واخا.. مشاو و خلاوني انا و ندىو كان خاصها حتى هي تمشي الحمام مشات لواحد القهوة دخلات ليها انا وقفت حايرة و معارفة مندير و بالي مهموووووووم و شوية و تنا نسمع صوت حنيين ديال بنت تكون عندها 16 عام)

البنت: عمي عماد مشا لطاليان حقاش كان خايف ابغيك و خايف من ردة فعلك و نتي كنتي غي مراهقة داكشي هلاش قرر ابعد (انا تلفت و حاولت ندوي) 

البنت: متكولي والو عاين نكمل لك حتا لاخر.. هو مني جا و بقا كيبغيك ولكن كان خاصو ايوفي لك بوعدو

انا: منين كتعرفي هادشي و شكون كايل هادشي كامل .(البنت بتاسمت ليا و مشات بلاما حتا تجاوب) تلفت كايبان ليا ندى و اشرف كالسين فالواحد الكرسي بعيد شوية ممسوقينش لينا و عماد مورانا

عماد: ندخلو؟

انا: علاش مكلتيهاش ؟ 

عماد: اشنا هيا

انا: بللي نتا كتبغيني

عماد: خفت من ردة فعلك و كيف اتكون انا من نهار دخلتي لدارنا و انا معلق بيك و حاولت نبعد ولكن بلا جدوى ولكن نتي شكون كالها لك ؟ 

انا: البنت اللي سيفطتي صدق معندكش الشجاعة تكول كلمة "كنبغيك"

عماد: اينا بنت اهديك لله

انا: و ناااري كانت واحد البنت هكاك عندها شي 15-16 عام

عماد: و صافي دابا ميهمش كولي

انا: اش نكول ؟ 

عماد: هاديك الكلمة

انا: اينا كلمة ؟ 

عماد: زهرة حرام عليييك

انا: مالك ؟

عماد: مكتبغينيش ؟(انا مكنتش مأكدة من شعور ديالي و لا امكن معرفاش بللي هداك شي اللي كنشعر بيه بصح حب سكت و حدرت راسي و سمعت صوت ندى دوا) 

ندى: اممم كتفكري بصوت عالي

انا:فين هو عماد.

ندى: مشا عند اشرف

انا (تلفت و بقيت كنشوف فيه )

ندى: مني كتكوني حداه قلبك كيولا كيضرب بجهد (تلفت عندها و كنحرك براسي اه) 

ندى:اممم مكتبغيهش ابعد

انا: اه

ندى:كتعجبك تشوفيه و هو كيتحرك و هو كيضحك و لون تصيبي تبقاي مقابللاه و متشبعيش من شوفتو

انا: اه اختي ندى تماما

ندى: وينووو راك كتبغيييه اللي مفاهماش الشعور ديالها هادا هو الشيئ اللي اسمو الحب

انا (شفت فيها بفرحة و تلفت و عيطت على عماد باعلى صوت):عماااااد كنبغيييييييك اه كنبغييييييك

(عماد وقف و ربع ايديه و كيشوف فيا و اضحك و هي تغمزني ندى و كالت ليا نمشي عندو و بالفعل معقلت حتى لقيت راسي معنقاه و كارزة عليه)

انا: كنبغييك متبعدش عليا

عماد: حتى انا كنبغيك و اخر حاجا نفكر فيها هي نبعد عليك احياتي .(اشرف و ندى كنو كيشوفو فينا هه انا حشمت بزاف و بعدت)

اشرف: ندى زعما عندك الجرأة ديري بحالها ابنت المدينة

ندى:حتا شاب عاد دارو ليه حجاب سير سير راحنا كبرنا هما راه باقين عاد بداو (تجمعنا و خرجنا و بقينا خارجي و عماد مطلقش من ايدي ..رجعنا الدار دخلت الدوش نبدل و عماد بقى برا و بدل برا اول مخرجت عماد حبسني عند الباب بايديه

انا: حيد

عماد: لا حتى تعطيني بوسة

انا: ويلي كن تحشم

عماد: و انا سوقي يك حنا مزوجين

انا: و صافي حيد

عماد: والله منتفك (على وعدي و سعدي بستو فحنكو )

انا: يالله صافي حيد

عماد:لا بغيتها على شفايفي

انا: عيقتي كاع

عماد:انا عيقت يك (بدا كيقرب ..حط ايديه على خدي و طبع قبلة خفيييفة على شفتاي ..انا مني فقت دغيا دفعتو و بعدت و بقيت كنبتسم هههه تخشيت فالفراش و هو ايجي حتا هو تخشا حدايا و عطاني بالضهر الله فرحت هه غايأجل القضية ديال الدخلة .تنهدت بالرااااحة.)

عماد: وراك وراك ...انا غنأجلها حقاش بغيك تكوني لاااابسة هاااداااك chemise de nuit. اللي كنت جبت 

انا:كتحلم

عماد: دابا نشوفو ( تفكرت الصفيح و حاولت نبدل الموضوع)انا: عماد عطيني هاديك الصفيحة اللي فيها سميتنا.عماد: لا حتا تولاي فيه مراتي ماشي غا علا الوراق ازوينة.(انا سقلت) عماد: زهرة ديالي

انا: ههه نعام

عماد: كنبغيك

انا: هه حتا انا.. (شوية صونا تيليفون عماد… نضت و تلفت ليه تخلعت. )

انا:عماد جاوب

عماد:(و هو متوتر):ا ا ا. مكين لاش

انا:لا جاوب ددابا تكون واقعة شي حاجا

عماد:(واخا) (جاوب عماد و كان داوي بالطالينية.

(عماد بدا داوي بالطاليانيا و انا مقشبلت والو غا كنشو ف كان كيورك على سنانو و معصب انا. تخلعت اول مقطع سولتو) 

انا: ناري اش واقع ياك مكين باس شكون عيط؟

عماد: حتا واحد 

انا: كيفاش حتا واحد و هاد العصبية و النفيخ غا هكاك.. عماد دور تيليفونو و كيوري فيا بللي الاتصال جاه من الطليان و بللي ماشي شي حاجا مهمة .. 

انا: اااه ايوا صافي تخلعت

عماد: غنعسو راه فات الوقت (تخشينا فالفراش و انا حاطا راسي على صدر عماد)

انا: عماد مكرهت نسكن فالمدينة

عماد: اممن و ماشي حشومة نخليو مي و با بحدهم فالدوار

انا: اممم نجيو كاملين هنا المدينة هنا زوين و موجود كلشي

عماد: عجباتني الفكرة (انا غا ضحكت ههه ولكن كتبان ليا غتصدق )

انا: هه من نيتك؟ 

عماد: معاك داوي.. ولكن قبل خاصنا نتشاورو مالين دار.. غدا نعيطو ليهم و ندويو معاهم على هاد الموضوع.

انا: ههه شتك زربان واش غا جي و سكن فالمدينة قبل خاصنا دار بعدا و تكون كبييرا يالله تجمعنا

عماد: فهاد الامور انا اللي انتكللف بيها

انا: ناريي تدوي بصح ا عماد ؟ 

عماد: انا منضحكش فبحال هاد المواضيع

انا: ناريي ايلا كان بصح انطور بزاف دالحوايج منهم خاصني نقرا و نزيد نتعلم بش التعاونية اللي اندير تكون خطواتها مدروسين مزيان.

عماد: اييه فكرة مزيانا هادي و هاكا اتحقي حتا هادوك الخطط ديوالك و انا فجنبك.(سكت على شحااال) 

انا: عماد ؟ 

عماد: نعااام. 

انا: بصح من نهار اللي جيت فيه لداركم و نتا كتبغيني ؟ 

عماد: اه هو صراحة فالليلة الولة تسحرت بزينك ولكن حاولت نبقا بعيد علك ولكن اش ندير قلبي مكيسمعش مني و داكشي علاش قررت اني نمشي لطاليان اللي كنت حتا لغيت هداك القرار. (سمعت كلامو اتر فيا و زدت عنقتو و نعست فصبح ملقيتش عماد كن فلبالكو كان معصب و داوي فالتيليفون اهو رجع دخل ) 

عماد: صباح الخير ملاكي 

(انا بحشمة): صباح النور.معمن كنتي داوي ؟

عماد: والو غي تصلات تافهة من الخدمة و صافي

انا: اهااه (دوزنا هداك نهار بخير. 

عماد دوا مع مالين الدار ووافقو على اننا نتحولو و كلو على قبي بش نقرا عماد قلب لينا على شقة كانت كبيرة و خلال هاديك الايام ديما معصب و هو كيدوي فالتيليفو دخلني الشك و فالوقت اللي كنا كنفرشو فالدار و كنا فالبيت ديالنا.. اول محطينا واحد المكتبة انا تهديت و كلست )

عماد: وردتي غا خالليك كالسة رتاحي انا انكمل الشي اللي بقا

انا: واخا الحبيب ديالي

عماد: الله قلبي مشا فيها...

انا: حمق

عماد: عشقك اللي حمقني (و قرب لودني):chemise de nuit جبناه و اليوم مكين هروب (انا عينيا خرجو ههه عماد ناض و مشا ايكمل و حاط التيليفون فوق هاديك المكتبة و غي خرج تيليفونو صونا كانت نفسها هاديك النمرة اللي صونات ليه ف هاديك الليلة تجرأت و جوبت حطيت التيليفون على ودني 

انا: الو..؟ (دوا صوت رقيق ديال بنت كانت كتدوي بالطليانية):senti tu sai già che ti amo più che tutto io no lo so perché quella stupida che viene dalla campagna....riesce ad avere il tuo cuore .(سمعني نتا عارف بللي انا كنبغيك و كنموت فيك انا معرفتش كيفاش وحدة غبية جايا من العروبية بحال هادييك و قدرت تحصل على قلبك).(انا هاديك الوقت غا كنسمع مفهمت والو)

انا: شكون نتي (ههه العن بوها الكلب وانا يوقي ندوي معاها بش كنفهم و ندوي ) 

البنت:(كتدوي بعربية مهرسة): نتي هيا هديك العريبية اللي سميتو زهرة

انا: كيفاش شكون نتي

البنت: انا ريم و هداك الراجل اللي نتي معاه راه ديالنا و انا اللي كتبغيه و حتا هو كان ديالنا نتي سباب حتا بعد عليا (قادي غا فمك عاد جي دوي معايا) (انا تعصبت و معرفت بش تبليت اه راه غاب عامين اعلم الله اش دار فيها و زايدها كال لك كان كيبغيني من نهار شافني كداب) شكون نتي واش باغا من عند راجلي؟

البنت: هاداك كان ايكون راجلي كنما هادووك الخرافات ديال الدوار. (سمعت عماد جاي سديت التيليفون و عودت كلست كنغلي)

عماد: مي و با عاجبهم الحال والله هاكا ايولاو معاشرين مع ندى و اصفا قلبهم من جيهتها (انا مزال كنخمم و دمي كتغاالاا )

عماد: واااا زهرة

انا: لهاد الدرجة نتا منافق و كداب ؟

عماد: اش كتكولي؟

انا: متديرش فيها فاهم راك عارفني علاش كندوي

عماد: رالله مفهمت شي حاجا من كلامك (خالتي سمعو صداع ) صفية: وليداتي ياكما كين باس

عماد: لا والو امي (انا شفت فيه و معرفت الدمعة منين تسربات.. تفكرت نهار اللي غوت و كنكول انا كنبغيه… و كنت مخلصة ليه رغم الظروف اللي كنا فيها)

عماد: تهدني و كولي ليا مالك

انا:.....

و هو اعاود اصوني التيلفون و كانت نمرة هاديك ختنا.. عماد توتر و انا كنخنزر فيه و فالتليفون هزو وجاوب و كان داوي باطاليانيا.انا كنشوف و كنغلي و دموع محبستهم غا بزز و كيف سالا

انا: اه لواحد هو ايخلي الاحتياط اه وحدة هنا و وحدة مني ترجع (عماد كيحاول اشد ايدي)

عماد: خاصني نفهمك…

انا: متقيسنس متمسني....كلشي وااااضح و باين مكريضة اللسان فاهماتني كلشي اه هي بنت المدينة و قارية و هاي. انا غا بنت الدوار و مكنعرف والو

عماد: انا عمرني تسوقت المضاهر…

انا: متبقا محن راسك و داوي كلشي واضح. (دخلت الحمام و تفركعت بالبكا. وصل الليل كانت خالتي تكلفات بالعشا و الكوزينة و عيطات لينا جا عماد كيدق عليا )

عماد: زهرة خرجي مي كتعيط علينا. (خرجت لئنو مبغيتش مي تعيق بشي حاجا كيف خرجت تو مبرد و محاولش حتا ايدوي معايا تعصبت ردخت الباب دالحمام حتا تزعزعو الحيوط عماد تلفت و مدواش معايا كااع تاني كنت غسلت وجهي و نزلت سالينا العشا و نضت كنغسل فالماعن خالتي و عمي مشاو انعسو و جا حدايا عماد)

عماد: زهرة والله هاديك البنت مكنبغيها هو بالحقيقة… (انا درت براسي مكنشوفوش كااااع )

انا:خالتيي خديتي قرعة ديال الما

خالتي: خديتها (كملت الماعن رشيت الما و متسوقتش ليه كاااااااع و مشيت البيتي لحت خديو و ايزار فالارض و تخشيت ففراشي و دخل عماد)

عماد: زهرة خاليني غنفسر مالك مسبقا الاحدات....

انا: هه كلشي باين ا عماد واش لهاد الدرجة كتبان لك بنت الدوار غبية ا عماد ؟ 

عماد: مالك كتقطعيني بهاد الكلام؟ 

انا: ااااااااه (تاوبت ههه) ننعس حسن من الخرفات ديال الناس المتكبرين (تخشيت فالفراش و دموعي شلال .. فقت صباح و قررت نمشي نقلب على فين نقرا و نتعلم مايبقا شي واحد دايرني بهلة اضحك عليا. وجدت الفطور كلست كنفطر جا عماد كلس حدايا و كيفطر تاني معبرتوش تميت خارجة )

عماد: فين غادا؟ 

انا: لجهنم تمشي معايا ؟ 

عماد: فين غادا ا زهرة؟ 

انا: مسوقكش

عماد: تسايني راه حتا انا غنمشي لشركة دخويا طالبني نخدم معاه. انا: بزعطا قصة دحياتك عودها ليها ماشي ليا انا (عماد تما جا و جارني من دراعي) 

انا: طلق مني

عماد: اه نتي مزال مبغيتي تفهمي مي غايجي نهار اللي ابان فيه كلشي... دابا زيدي (عماد دخلني الطونوبيل و سد كلشي و تنهد) :فين كنتي باغا تمشي

انا: فين نتعلم و نقرا بش نرجع الصرف اللي كيحتقر قلة عرفي.(كسيرا عماد حاطنا قدام واحد.)

وقفني قدام واحد العمارة مطلعت فيها عيني غا بزز

انا: باغا نقرا اش جايبني ندير هنا تفو راسك خاوي سير سير فين باغي تمشي. (عماد جرني من ايدي و دخلني انا تخلعت اولا داير فيا شي موصيبة طلعنا فالاصنصوغ وصلنا القدام واحد الشقة و كان مكتوب فيها بززاف اللغات ههه الوحيدة اللي فرزت انا هي ( القسم الخاص للتعليم لكل الاعمار) دخلنا ستقبلتنا واحد البنت. 

البنت: مرحبا فش نخدمكم؟ 

عماد: بغيت نقيدها فالدروس الحرة

البنت: اييه بالضبط شنو باغا تدير. (ههه جاتني فبالي نكول ليها ندير الرزة القاضي والحرشة و نبعيهم هنا ههه )

عماد: كاع المواد بصفة عامة و حتا دروس فاللغة الاطالية

انا: علاش طاليانية؟ (عماد متسوقنيش و كمل الاجرآت مع البنت. و تقيدت الحمدالله و هو اللي خلص الطاسيلتو تافقو نقرا كل نهار 4 ساعات من 8 ل 12 .عجبني الحال واخا خالتي اتولا تشقا هي فالصباح مي هانية من بعد و نقاد اوموري هباطنا وصلني عمد مدويت معاه مكلمتو. طلعت لقي خالتي و عمي عاد كيفطرو ههه خمااارييين بقاو ناعسين. كليت معاهم و كلت ليهم بللي انوللا نقرا مكالو والو لئنو عماد هو اللي بادو القرار. كملت شقايا فهداك نهار وصلت العشيا .. رجع عماد فالعشيا معبرتوووووش تاااني. درت العشا كلسنا نتعشاو فالصمت و نضت نعست بش نفيق بكري لقرايتي. فقت الصباح وجدت الفطور و خرجت لاول مرة بحدي دوزت النهار فالقراية هو هاديك كان احساس فشكل ولكن حاولت نركز على قرايتي .رجعت مع 12 وكملت شغالي و دازت 5 ايام و عماد منخلاه و هو براسو كانو مشغول .قلقني هادشي .يعني اكد بللي ميهمو امري. و نهار كنت خارجة لقيت عماد واقف عند الباب العمارة )

انا: اش جيتي تدير هنا ؟ 

عماد: باغي نتبرونرا باغي نشد لوين جيت نديك نتي جيت نبدا خدمتي و نبرهن لك بللي انا مخنتكش.

انا: ضحكتيني دابا عاااد.

عماد: نتي خاليتيني ندوي معاك بعدا مي نتي كيبان ليا مينفع شفوي اراك لكتابي

انا: cosa? (هيا كيفاش بالطليانية ههه بغيت نطلعها عليه زعما)

عماد: ma guarda parla l''italiano pure .(و. شوفو ولات كتدوي الطاليانية ) 

انا: دابا بلا هدرة ناقصة مالك اش بغيتي.. خاصنا نمشيو نصوب لك شي وراق.

انا: دياولا بالسلامة؟

عماد: يالله و تعرفي

انا: خالتي و عمي فالدار خاصني نرجع ندير الغدا

عماد: علمتهم و راه مي اتكلف. ركبي (خنزرت فيه زعما و ركبت وقفنا قدام القنصلية. ) 

انا: اش كندير هنا؟

عماد: 3 ايام و انا مقاتل باغي نصوب لك وراقيك و باغي نديك تفجي على قلبك (انا طلعتو و هبطتو )

انا: مباغا بتفواج و ايلا باغي تمشي عند حبيبت القلب سير شوفها بحدك

عماد: مغنتسوقش لك دابا ياغتزيدي يغا ندير لك شوهة هنا 

انا: اش فجهدك مدير ؟

عماد: غنهزك و نطلعك تسني على الوراق و نهبطو و مريضنا معندو باس

انا:ههه ضحكتيييني (حسيت بايد عماد مورا ضهري.)

عماد: مبغيتيش تيقي صافي غا نخدم ايديا

انا: صافي زكا بلا شوها ناس تفرجت فينا

عماد: اااه دابا عرفت منين نزيرك(تلفت و خنزرت فيه. )

عماد: ههه سيري سيري (دخلنا لقيتو مقاد الوراق و مصابهم ليا بحجة اني غادا سياحة و خديت الفيزا اللي كان صلاحيتها 6 شهر. و خرجنا و ركبنا فاللوطو و انا مزال مستوعبت اني عندي الوراق كاملين مكمولين البرا

انا: دابا هادو اش اندير بيهم

عماد: شي خاصنا نديروها فالطاليان ضروري متكوني نتي حاضرة. انا: ماغادا فين. (عماد سكت و مدوااش وصلنا لدار.. كملت اشغالي اليومية كيف ديما وصل اليل كنت مهدودة و بيجامتي عامرة بالما كنت كنغسل فالماعن .دخلت نبدل و كنت بقيت الملابس الداخلية و كنقلب على منلبس ..سمعت الباب تحل و تلفيتة لقيت عماد حال فمو.. انا تخشيت ورا الباب ديال البلاكار درقت بيه)

انا: متعرفش دق قبل متدخل..

عماد:(مهبط راسو و كيضحك) مكاريش عندك

انا: باغا نلبس شراوطي خرج فحالك

عماد: باغي نعس انا خدام غدا لبسي ايلا باغا تلبسي (داز من حدايا و تخشا فالفراش و بقيت كنغوت بحدي كيف الهبلة .لبست حوايجي تخيت فالناموسية و هو ادوي هو) 

عماد: زوينة الخالة اللي عندك فوق صدرك هههه (اويلي كي دار حتا شافها )

انا: داكشي اللي مكابل متعرفش تديها فشغالك .ولا دكشي اللي حادي .اللي تواحشتي الليالي الرومانسية صبر راه مبقا والو و تمشي عند هاديك المعوقة ديالك ريم

عماد: نتي شفتيها بعدا؟ .(غدااااايدييي باغي ادافع عليها) 

انا:باين غا من هضرتها و اصلا تكون كيفما كانت تكون مسوقيش فيها

عماد: غا جبدتها لك خدمتي مبقيتي باغا طفاي

انا: لا راه دابا اللي انتقدا ديال بصح

عماد: (و كان كيضحك) ننعس قبل منجبها فعضامي. (ههه جاتني ضحكة ..نعست و دوزت 7ايام خرا و كل نهار كنزيد نتعلم حوايج جداد و كنزيد نفهم فالدار فالعشيا) 

عماد: سلام و عليكم

خالتي و عمي و انا: و عليكم السلام

عماد: هاهوما قطعت البيي (.خالتي و عمي كان عالمهم عماد بكلشي)

خالتي: اه ايوا ابنيتي خاصك يالله تبداي تجمعي فحوايك.. اجي اولدي عماد امتا غادين ؟

عماد: من بعد 3 ايام

انا: صافي مزيان.. واخا انا معرفاش راسي اش انمشي ندير تماك.عماد (غمز ليا) .

حتا تمشي و تعرفي. تكافيت مع هديك 3 ايام جمعت فيها شغالي و اليوم مسافرين.. فقنا بكري وجدنا ريسنا ووصلنا المطار كيف دخلنا عماد شد ليا من ايدي و انا نشوف فيه باستغراب

عماد: جا الوقت اللي نبين ليييك كلشي و كيف انا عمرني خنتك

انا: معادش اهم

عماد: لااا رااه دابا نيت اللي اهم .. تسنينا و من بعد ركبنا فالطيارة نااااري البنات مني كتبغي تقلع ويلي قلبي طار من بلاصتو اما مني بغات تحط ههه الودينات كيتسدو. عماد مد ليا المسكة بش نمدغها و نحل ودني

عماد: هاكي

انا: كلها

عماد؛ تي مالك كتديري تصرفات الدراري صغار

انا: سقك

عماد: ههههه اييه الالة .(نزلنا و مشينا الواحد الاوطيل)

انا: نكلسو كل واحد فبيت

عماد:ههه ريسرفيييت على بيت لكوبل عاد مًوج يالله وريني اش اديري و انا ديجااا خلصت. (انا تعصبت واخا هانيا.. دابا نشوفو الا منعس طاسيلتك على الارض .. طلعنا البيت كان مزوق بالحمر و البيض و الصور ديال القلوب فالحيوط و شي خزعبيلات )

عماد: حجزت لمدة 6 ايام

انا: بزاعطا

عماد: نخرجو ندورو.? (انا مجوبتش كااع. ) عماد: دخلي دوشي لبسي حوايجك و يالله .(دخلت دوشت و لبست صايا طويلة حد الكعبة و تشرت باارد لاسق شي شوية درت واحد سليسلة هابطة على الصدر و لبست شيب شيب عادي و شعري شديت نوصو من الفوق بمقبط صغيرو خرجت لقيتو لابس هو قميجة حدها الدراوع و سروال الدجين و صباط )

عماد: جاك فن هاد الستيل

انا: سولتك؟

عماد: مبقا والو و ترجع ليا زهرة ديالي. (متسوفتوش هبطنا ل centre ville ديال روما. كان زوييين بزاااف تماك مشينا الكولوسيوم و مشينا للنافورة اللي كيتمناو فيها الاماني لحت فيها الفلوس و تمنيت امنية حليت عيني لقيت عماد مكابلني و مبتسم ) 

انا: و الله استر…

عماد: اش تمنيتي ؟ 

انا: تغبر و تبعد عليا عمرني باقا نشوفك (ماشي بصح مكان علئ باليي والو اصلا غا خرفات)

عماد: هههه انجيني انا بعدا منقدرش نعيش بلا بيك

انا: مسقيش فك. (عماد حدر راسو و زاد تعشينا بالبيتزا الطالينيا margherita رجعنا الاوطيل و عماد كلس اقاد فشي وراق.. انا مشيت بدلت حوايجي فالحمام و نعست ..فقت صباح على صوت عماد ) 

عماد: نوضي يالله. (انا فقت و منحك ف عيني ) 

انا: فين

عماد: نوضي و تعرفي. (نضت و غسلت وجهي و سناني لبست و خرجت و هو اشدني عماد من ايدي و كلسني) 

عماد: انا عارف بللي اتصدمك بش نبين ليييك بللي انا عمرني خنتك

انا: علاش داوي ؟ (عمااد عنقني و داوي )

عماد: انا و ريم كنا دايرين عقد زواج ولكن كل غير على قبل خدمتي والله. (انا هاد الهدرة متفهمتش ليا متسرطاتش.) 

انا: مبغاش نتفلا معاك

عماد: داوي بجدية. ريم بنت السيد اللي كنت خدام معاه هي طاليانية ولكن اصلها مغريبي.. كانت لسقت فيا لسقة و باها شرط عليا نتزوجها ولكن انا عمرني بغيتها ولا عمرني قربت ليها

انا: اهييئ.. كتكدب ياك اهيئ حرام عليك.. شمن دنب درت معاك اللي دير فيا هادشي كلو اهيئ مزوجها ا عماد واش عارف اش كتعني ؟

عماد: و انا جبتك هنا غي بش نوضح لك كلشي قدام عينيك و اليوم انا غادين على قبل الجلسة ديال الطلاق و ريم بدات باغا تطلب منك سماحا.

انا: بعد مني اهيئ ديريني ضحكة متافقين عليا نتا وياها. علاش جبنتيني هنا اصلا. 

عماد: تيقي فيا ولو لاخر مرة

ريم: تيقي فيه والله مكتكدب عليك. والله عماد كتبغيك لو غي تشوفي كيف كيدوي عليك و كيف كان كان هاديك الكلمة كان كان اه كيبان متيم بيك بزااااف. (حسيت بهضرة ريم بصح و حتا عماد كان كيبان كيدوي من نيتو)

انا: و دابا شنو خاصكم ديرو ؟

عماد: غادين نطلقو و قدام عينيك و كنعطيك عهد عمرني عمرني باقي نخبي علك شي حاجا كيفما مبغات تكون

ريم: و انا انخرج من حياة عماد للابد وعد مني

انا: زيدو تطلقو بعدا عاد نشوفو. (دخلنا دازت الجلسة بخير وعلى خير حقاش كان طلاق حيبي.. كيف خرجنا و جات ريم شدات ليا من ايدي و دارتها ف ايد عماد )

ريم: cerca di non lasciare la sua mano .che una persona fedele al amore non esiste più..(حاولي متطلقيش منو ابدا. الشخص بحالو فالحب مبقاوش. ) 

انا:.emmm anche se mi ha mentito. (و انا كنشوف فعماد. "اممم واخا كدب عليا )

عماد: non to ho mentito.solo che non volevo ferirti. E poi hai scoperto tutto prima che io sistemo questi problemi con rim (مكدبتش عليك انا غي مكنتش باغي نألمك وللاسف عرفتيها قبل منسالي هاد المشاكيل. ) 

ريم: صافي دابا اللي مات فات. (انا و عماد تكرشخنا بالضحك) 

انا:ريم كنكولو اللي فات مات بالمعنى (quello che é passato é già morto ) 

ريم: ههه عارفة عربيتي ناقصة....يالله نخاليكم. زهرة مرحبا بيك ف ايطاليا تسراي فيها مزيان راها زوينة (و عنقاتني) و نتا ا عماد سمح ليا الا درت لك المشاكيل معا مراتك و شكرا بزاف اللي مخليتينيش كندور بحدي فدوامة الحب السخيف ديالي.

عماد: معليهش نتي بحال ختي. 

ريم: ربي اخليكم.. بسلامة عليكم. (مشات بحالها ههه حسيت ب عماد ديالي بحدي و حتا واحد مباقي اياخدو مني ) 

عماد: اممم فراسك مني كنتي معصبة عليا كنتي كتباني جرييئة و قبييحة و زويينة ولكن زهرة ديالي الحشومية احسن و زين. (انا حنيكاتي حمارو. (دوزت هداك نهار فالدوران و التساور مع حبيبي عماد حتا ضلام الحال رجعنا للاوطيل دخلت دوشت و خرجت بالفوطة و انا كنسد فباب الحمام لقيت عماد ورايا خلعني قفزت و هو اعاود اشدني من خصري و قربني ليه كان لابس غا شورت.قرب الودني )

عماد: كنبغيييييك بلا حدود.

انا: حتال ايمتا غتبقا تبغيني هاكا.

عماد: لحد ميسالي الحب من الوجود.

انا: و حتا انا الله ايخليك ليا. (حسيت بقبلة تطبعات على عنقي.....و الكمالة من عندكم .... عماد عيشني هاديك الليلة فرومنسية سااااحرة. كملنا 6 ايام ف هاداك الوطيل كلها خروج و شوبينك و من بعد الشهر كتشفت اني حاملة خالتي و عمي بغاو ايطيرو بالفرحة و عماااد خلااااص طول الحمالة كنت واقفة على الجمعية ديالي حتا وقفتها على رجليها عونات بزاف من بنات الدوار و من بعد ربي كتب اتزاد عندنا وليد سميناه علاء و من بعد عامين تزادت عندنا بنيتة اخرى و سميناها شروق.. اشرف و ندى تبناو بنيتة فناا سماوها جيهان..

انا زهرة عندي 22 تزوجت على 16 عام و عشت اروع قصة حب مع اروع و اطيب انسان عرفتو..

النهااية.